२३ साउन,पर्सा। पर्साको ठोरी गाउँपालिकामा ११ वर्षीया बालिकालाई बलात्कार गरेको आरोपमा प्रहरीले एक जना पुरुषलाई पक्राउ गरेको छ।
पक्राउ पर्नेमा ठोरी गाउँपालिका वडा नम्बर २, सुन्दरबस्तीका ४६ वर्षीय अशोक साह रहेका छन्।
प्रहरीका अनुसार, गत बुधबार बिहान बाख्रा चराउन गएकी बालिकालाई साहले १० रुपैयाँको नोट दिएर ललाईफकाई नजिकैको जंगलमा लगेर बलात्कार गरेका थिए।
घटनाबारे जानकारी पाएपछि बालिकाका अभिभावकले सोही दिन साहविरुद्ध प्रहरी कार्यालयमा उजुरी दिएका थिए। उजुरीको आधारमा प्रहरीले बिहीबार दिउँसो साहलाई नियन्त्रणमा लिएको हो।
अशोक साहलाई अहिले जिल्ला प्रहरी कार्यालय पर्साको हिरासतमा राखिएको छ। उनिविरुद्ध जबरजस्ति करणीसम्बन्धी मुद्दा दर्ता गरी जिल्ला अदालतबाट तीन दिनको म्याद थप गरी अनुसन्धान भइरहेको पर्साका प्रहरी उपरिक्षक गाैतम मिश्रले बताएका छन ।
प्रतिक्रिया दिनुहोस् !