२१साउन,बारा । जिल्ला प्रहरी कार्यालय, बाराले विशेष सूचनाका आधारमा १० किलो ३१८ ग्राम लागुऔषध गाँजासहित एक युवकलाई नियन्त्रणमा लिएको छ।
प्रहरी निरीक्षक खेमप्रसाद नेपालको नेतृत्वमा खटिएको प्रहरी टोलीले बुधबार दिउँसो करिब ३ बजे निजगढ नगरपालिका वडा नं. ४ को एकान्त ठाउँमा शंकास्पद अवस्थामा रहेका एक युवकलाई पक्राउ गरेको हो।
पक्राउ पर्नेमा रौतहट, चन्द्रपुर नगरपालिका वडा नं. ४ जुडिवेलाका २३ वर्षीय शिवजी धामी रहेका छन्। उनले आफ्नो साथमा लिएको सेतो बोराभित्र प्लास्टिकमा प्याक गरिएको अवस्थामा उक्त गाँजा फेला परेको प्रहरीले जनाएको छ।
जिल्ला प्रहरी कार्यालय, बाराले धामीलाई नियन्त्रणमा लिई थप अनुसन्धान गरिरहेको जानकारी दिएको छ।
प्रतिक्रिया दिनुहोस् !