२१ साउन, बारा । विशेष सूचनाको आधारमा जिल्ला प्रहरी कार्यालय बाराबाट खटिएको प्रहरी टोलीले रु. ९४ हजार ८० बराबरको अवैध डेरी मिल्क बरामद गरेको छ।
बुधबार बिहान करिब ८:४५ बजे प्रहरी निरीक्षक खेमप्रसाद नेपालको नेतृत्वमा खटिएको टोलीले कलैया उप-महानगरपालिका वडा नं. १ स्थित भरत चोकमा कलैयाबाट काठमाडौंतर्फ जाँदै गरेको एक यात्रुवाहक हाइस गाडीमाथि चेकजाँच गरेको थियो।
चेकजाँचका क्रममा प्रहरीले बिलविजक बिना नै लैजान लागेको १०५ प्याकेट डेरी मिल्क फेला पारेको हो। बरामद गरिएको डेरी मिल्कको अनुमानित बजार मूल्य ९४ हजार ८० रुपैयाँ रहेको प्रहरीले जनाएको छ।
अवैध रुपमा ओसारपसार गर्न लागिएको उक्त डेरी मिल्क प्रहरीले नियन्त्रणमा लिई थप कानूनी प्रक्रिया अगाडि बढाएको छ।
प्रतिक्रिया दिनुहोस् !