१४ साउन,बारा । सशस्त्र प्रहरीले वीरगन्ज–१७ अलौंस्थित एकीकृत जाँच चौकी (आईसीपी) क्षेत्रबाट करिब रु. ६ लाख ७७ हजार ६ सय ३६ मूल्य बराबरको मोबाइलका पार्टपुर्जासहित एउटा मोटरसाइकल बरामद गरेको छ।
सशस्त्र प्रहरी बल नेपाल नम्बर १३ गण हेडक्वार्टर पर्साका गणपति एवं सशस्त्र प्रहरी उपरीक्षक पुरनचन्द्र भट्टका अनुसार, भारतबाट भन्सार छली गरेर मोटरसाइकलमा ल्याउँदै गरिएको अवस्थामा उक्त सामान र भारतीय नम्बर प्लेटको मोटरसाइकल बुधबार बरामद गरिएको हो।
बरामद गरिएका मोबाइलका पार्टपुर्जा र मोटरसाइकल आवश्यक कारबाहीका लागि वीरगन्ज भन्सार कार्यालयमा बुझाइएको सशस्त्र प्रहरी उपरीक्षक भट्टले जानकारी दिए।
प्रतिक्रिया दिनुहोस् !