५ साउन,बारा। बारा जिल्लाको अमलेखगञ्ज ईलाका प्रहरी कार्यालयका वरिष्ठ प्रहरी नायव निरीक्षक धनबहादुर श्रेष्ठ यतिबेला तस्करीको जालोमा फसेका छन्।
उनले परिचालन गरेका घुमुवा सहायक हवल्दार धर्मवीर यादव मार्फत पश्चिमबाट गाईबस्तु तस्करीको प्रमुख मार्ग बनेको यो क्षेत्रमा अवैध धन्दा मौलाएको खुलासा भएको छ। यो मार्ग सर्लाहीको नवलपुर बजार हुँदै भारत र त्यहाँबाट बंगलादेशसम्म पुग्छ।
भारतका विभिन्न नाकाबाट हुने तस्करीका सामानहरू अमलेखगञ्ज हुँदै नेपाल प्रवेश गर्ने गरेका छन्। विशेषगरी, पर्साको वीरगञ्जबाट रात्रिकालीन बसहरूमा आउने तस्करीका सामानहरू अमलेखगञ्जमा कुनै पनि चेकजाँचविना नै पास हुने गरेको स्थानीय स्रोतले बताएको छ।
यसको मुख्य कारण सादा पोशाकमा खटिने घुमुवा हवल्दार धर्मवीर यादवले मिलाएको ‘सेटिङ’ भएको आरोप छ।
घुमुवा यादवले भारतको रक्सौल र नेपालको मुख्य आर्थिक नगरी वीरगञ्जमा बसेर तस्करीका सामान ढुवानी गर्ने ट्रान्सपोर्ट सेवाका मालिकहरूसँग मोटो रकम लिई आफ्नो सीमा पार गराउने गरेको खुलेको छ।
विगत तीन वर्षदेखि बाराको प्रमुख नाका पथलैया र अमलेखगञ्जमा कार्यरत यादव कुनै पनि नयाँ इन्चार्ज आउँदा सहजै घुलमिल हुने गरेको बताइएको छ। यसको प्रमुख कारण उनले हाकिमहरूलाई दिने ‘सेवा’ र सबै प्रकारका जानकारीहरू भएको आरोप छ, जसले गर्दा धनबहादुर श्रेष्ठजस्ता हाकिमहरूलाई ‘माल बहादुर’ बनाउन सहज भएको देखिन्छ ।ईलाका प्रहरि कार्यालयका प्रमुख धनबदादुरसंग प्रतिकृया लिदा यस्ताे हाेईन यादव मसंगै कार्यालयमा बस्ने गरेकाे प्रतिकृया दिएका छन ।
प्रतिक्रिया दिनुहोस् !