५ साउन,काठमाडौं । बिचौलियासँग घुस डिल गरेको अडियो सार्वजनिक भएपछि पदबाट राजीनामा दिएका निवर्तमान सामान्य प्रशासनमन्त्री राजकुमार गुप्तालाई अख्तियार दुरुपयोग अनुसन्धान आयोगले सोधपुछका लागि बोलाएको छ ।
मालपोत कार्यालय कास्कीका एक अधिकृतको सरुवा गराउनका लागि बिचौलियासँग घुस लेनदेनबारे छलफल गरेको अडियो सार्वजनिक भएपछि गुप्ताले चौतर्फी दबाबका कारण राजीनामा दिएका थिए ।
अख्तियार स्रोतका अनुसार, सार्वजनिक भएको अडियोमा रहेको आवाजको सत्यता पत्ता लगाउन र घुसकाण्डबारे थप अनुसन्धान गर्न गुप्तालाई बयानका लागि अख्तियारमा हाजिर गराइएको हो । यस सम्बन्धमा अख्तियारले विस्तृत अनुसन्धान गरिरहेको बुझिएको छ ।
प्रतिक्रिया दिनुहोस् !