४ साउन, बारा । बारा जिल्लामा सोमबार हुने जनमत पार्टीको बृहत प्रवेश कार्यक्रममा दुई जना प्रभावशाली नेताहरुले प्रवेश गर्ने प्रबल सम्भावना रहेको छ ।
जनमत पार्टीका अध्यक्ष डा. सिके राउतको प्रमुख आतिथ्यमा कलैयास्थित करणराज पार्टी प्यालेसमा आयोजना हुने कार्यक्रममा संविधानसभा सदस्य प्रमोद गुप्ता र मधेश प्रदेश बारा क्षेत्र नम्बर ३ (ख) का पूर्व सभासद पारस साह जनमत पार्टीमा प्रवेश गर्ने स्रोतले दाबी गरेको छ ।
दुवै नेता यसअघि नेपाली जनता समाजवादी पार्टीमा सक्रिय थिए । उनीहरुको प्रवेशले बारा जिल्लामा जनमत पार्टीको संगठन थप सुदृढ हुने र आगामी निर्वाचनमा पार्टीलाई फाइदा पुग्ने अनुमान गरिएको छ । यस कार्यक्रमलाई जनमत पार्टीले मधेश प्रदेशमा आफ्नो प्रभाव विस्तार गर्ने रणनीतिक कदमका रुपमा हेरेको छ ।
प्रतिक्रिया दिनुहोस् !