२ साउन,बारा । सुक्रबार बिहान बाराको जितपुरसिमरा उपमहानगरपालिका वडा नं. १ पथलैया चोकस्थित प्रहरी चौकी पथलैयाबाट खटिएको प्रहरी टोलीले लागूऔषध गाँजासहित एकजनालाई नियन्त्रणमा लिएको छ ।।
नारायणघाटबाट वीरगञ्जतर्फ जाँदै गरेको ना. ८ ख ७३४६ नम्बरको यात्रुवाहक बसलाई रोकी चेकजाँच गर्ने क्रममा प्रहरीले कालो ह्यान्डब्यागमा लुकाईछिपाई ल्याउँदै गरेको १०.७७८ किलोग्राम (दश किलो सात सय अठहत्तर ग्राम) गाँजा बरामद गरेको हो ।
गाँजासहित पक्राउ पर्नेमा जिल्ला बाराको सिम्रौनगढ नगरपालिका वडा नं. ७ मलाही टोल बस्ने ३४ वर्षीय धर्मेन्द्र सहनी मलाहा रहेका छन् । उनी शम्भु सहनी मलाहाका छोरा हुन् ।
पक्राउ परेका सहनीमाथि थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस् !