२९ असार,बारा । डा. सिके राउत नेतृत्वको जनमत पार्टीका निलम्बित राष्ट्रिय उपाध्यक्ष दिपक साहलाई आज बाराको दहियारमा कालोमोसो दलिएको छ।
जनमत पार्टीका केन्द्रीय सदस्य विकास सिंहको नेतृत्वमा रहेका कार्यकर्ताहरूले साहलाई कालोमोसो दलेका हुन्।
पार्टीका केन्द्रीय सदस्य विकास सिंहका अनुसार, दिपक साहले पार्टीविरोधी गतिविधि गरेको र कार्यकर्ताहरूलाई दिग्भ्रमित पारेको आरोपमा यो कार्य गरिएको हो। कालोमोसो दलेपछि दिपक साह घटनास्थलबाट भागेको सिंहले जानकारी दिएका छन्।
यस घटनाले जनमत पार्टीभित्रको आन्तरिक कलह सतहमा आएको देखाउँछ। निलम्बित उपाध्यक्षमाथि नै यसरी सार्वजनिक रूपमा आक्रमण हुनुले पार्टीभित्रको विवाद चुलिँदै गएको संकेत गर्दछ। यस विषयमा थप जानकारी आउन बाँकी छ।
प्रतिक्रिया दिनुहोस् !