कलैया उपमहानगरपालिकाको १५ औँ नगर सभा सम्पन्न: विकास र समृद्धिको संकल्प

९ असार,बारा । कलैया उपमहानगरपालिकाको १५ औँ नगर सभा “शैक्षिक प्रशासनिक पर्यटकीय शहर स्वच्छ समुन्नत कलैया नगर कृषि र पूर्वाधार समृद्ध कलैयाको आधार” नारासहित सम्पन्न भएको छ।

नगर प्रमुख विनोद साहले कलैयाको विकासका लागि कुनै दबाब वा प्रभावमा नपर्ने र नगरवासीको पूर्ण साथ रहेको बताए। उनले कलैया बजारको कायापलट र मानवट मटिअर्वा सडक निर्माण तथा कलैया हाटबजारको स्तरोन्नति मुख्य उद्देश्य रहेको जानकारी दिए।

प्रमुख साहले कर्मचारीले जनप्रतिनिधिलाई गाली गर्नु सुशासन नभएको बताउँदै कलैया मधेशकै सबैभन्दा ठूलो उपमहानगर भएकाले यसको विकासमा राजनीति नगर्न आग्रह गरे। उनले यसै वर्ष ३ किलोमिटर सडक निर्माण गरिने, उपमहानगरपालिकाको नयाँ प्रशासनिक भवन सम्पन्न गरिने र नगर सभागृह पनि यथाशीघ्र बनाइने बताए।

उपमेयर रौशन प्रवीणले कलैयाको आर्थिक वर्ष २०८२/०८३ को लागि नीति तथा कार्यक्रमको अर्धवार्षिक समीक्षा प्रस्तुत गर्दै बसोबास योग्य हरित शहर र समुन्नत कलैया उपमहानगर निर्माण गर्ने कार्य अगाडि बढाइएको बताइन्। उनले चालु आर्थिक वर्षमा कुल $१ अर्ब ७२ करोड ७३ लाख ८७ हजार ७ सय ३९ रुपैयाँको बजेट प्रस्तुत गरिन्।

कार्यक्रममा प्रमुख प्रशासकीय अधिकृत नाथु साहले नगर सभाले पारित गरेका नीति तथा कार्यक्रमलाई कार्यान्वयन गर्न सबै कर्मचारी प्रतिबद्ध रहेको बताए। नगर सभाको सञ्चालन जिन्सी शाखा प्रमुख नरोत्तम अधिकारीले गरेका थिए।