२३ जेठ काठमाणडाै प्रहरिले काठमाडौंबाट स्रोत नखुलेको रकमसहित एक जनालाई पक्राउ गरेको छ।
बारा पचरौता नगरपालिका-७ घर भई काठमाडौंको कालीमाटी बस्दै आएका ५४ वर्षीय जयकमल साह कलवारलाई पक्राउ गरेको काठमाडौं उपत्यका अपराध अनुसन्धान कार्यलयका प्रवक्ता प्रहरी उपरीक्षक कृष्णप्रसाद कोइरालाले जानकारी दिए । उनका अनुसार काठमाडौंको टंकेश्वर कालीमाटी एरियामा गैरकानुनी रूपमा हुण्डी कारोबार भइरहेको भन्ने खबर पाएको थियो। सोही गोप्य सूचनाको आधारमा शनिबार कलवारलाई पक्राउ गरेको हो।
प्रहरीले कलवारबाट १७ लाख ६६ हजार ३ सय नेपाली रुपैयाँ, १२ लाख ८ हजार ७ सय भारतीय रुपैयाँ गरी जम्मा ३७ लाख २२० स्रोत नखुेलेको नगदसहित नियन्त्रणमा लिएको जनाएको छ। प्रहरी उपरीक्षक कोइरालाका अनुसार कलवालाई अनुसन्धान तथा कारबाहीका लागि राजस्व अनुसन्धान विभाग हरिहरभवन पठाएको छ।
प्रतिक्रिया दिनुहोस् !