२९ बैशाख,बारा । संघीय खानेपानी मन्त्री प्रदिप यादवले सोमवार बाराको कलैया उपमहानगरपालिकामा विभिन्न आयोजनाको उदघाटन तथा शिलान्यास गरेका छन।
मन्त्री यादवले वडा नं. २६ को महेशपुरमा आयोजना गरिएको एक कार्यक्रमका बिच ‘महेशपुर खानेपानी आयोजनाको शिलान्यास’ गरेका छन।
करिब ९ करोडको लागतमा निर्माण हुनलागेको उक्त आयोजनाको प्रथम चरण अन्तर्गत खानेपानी ओभरहेडको बिधिवत पुजाआजा गर्दै उनले शिलान्यास गरेका हुन।
उक्त आयोजनाले कलैया उपमहानगरपालिकाका वडा नं. १५, २६ र २७ का करिब १५ हजार स्थानीय बासिन्दाहरूको दीर्घकालीन सपना साकार पार्ने दिशामा उठाइएको एक महत्वपूर्ण र ठोस कदमको रुपमा देखिएको छ।
गर्मीको मौसममा खानेपानीको बिकराल समस्या हुने ती वडाहरुमा खानेपानी आयोजना निर्माण भएपछी नागरिकले राहतको अनुभूति गर्नेछन।
त्यस्तै मन्त्री यादवले कलैया उपमहानगरपालिका वडा नं. ८ स्थित ‘खपरताता खानेपानी आयोजना’को विधिवत् रूपमा सेवा सञ्चालनको घोषणा गरेका छ्न।
नेपाल खानेपानी संस्थानले खपरताता खानेपानी तथा सरसफाई उपभोक्ता समितिबाट स्वामित्व ग्रहण गरी सो प्रणाली संस्थागत रूपमा सञ्चालनमा आएको हो।
कार्यक्रममा प्रतिनिधीसभा सदस्य ज्वाला साह, संबिधानसभा सदस्य प्रमोद गुप्ता, पुर्व सांसद रामबाबु कुमार यादव, पुर्व प्रदेशसभा सदस्य पारष प्रसाद साह, जिल्ला समन्वय समितिका प्रमुख नरेन्द्र साह, कलैया उपमहानगरपालिकाका नगर प्रमुख बिनोद साह, वडाध्यक्षहरु धर्मेन्द्र यादाव, अशोक तिवारी, रामेश्वर यादव, रंजित चौरसिया लगायत आम सर्वसाधारणको सहभागिता रहेको थियो।
प्रतिक्रिया दिनुहोस् !