२५ बैशाख,बारा । बाराकै सबैभन्दा भ्रष्ट अड्डाको रुपमा परिचित यातायात व्यवस्था कार्यालय कलैयाले भ्रष्टाचारको सिमा नाघेर ज्यानमारा लाईसेन्स बितरण गर्नेगरेको तथ्य पत्ता लागेको छ।
सो कार्यालयले बिदेशमा रहेका नागरिकलाई लिखित र ट्रायल नलिइकनै कमिशनको भरमा सवारी लाईसेन्स बितरण गरिरहेको छ।
यसअघि बिदेशमा रहेका करिब १० जनालाई लिखित र ट्रायल दिएबिना कमिशनको भरमा लाईसेन्स बितरण गरिसकेको यातायात कार्यालयका प्रमुख दासले थप ६ जना बिदेशमा रहेकाहरुलाई एजेण्टहरुको माध्यमले जनही ५० हजार कमिशन लिएर सवारी अनुमतिपत्र अर्थात ‘ज्यानमारा लाईसेन्स’ बितरण गर्नलागेको श्रोतले जनाएको छ।
अहिले दैनिक रुपमा लिखित तथा ट्रायल गराई कलैयाको गंगापुर स्थित लाइसेन्स कार्यालयले दैनिक करिब १ सय जनालाई भटाभट लाईसेन्स बिक्री गरिरहेको छ।
कार्यालयका प्रमुख दासले मोटरसाईकल तथा स्कुटरकालागि १० हजार, चार चक्काका लागि १५ हजार तथा त्योभन्दा माथिकोलागी जनही ४० हजार रुपया लिएर हाकाकाकी लाइसेन्स बेचिरहेको सिसिटिभी फुटेज नै प्राप्त भएको छ।
यातायात कार्यालय कलैयामा चरमसिमाभन्दा माथी पुगेर बिदेश भएकाहरुदेखी ट्रायल र लिखित फेल हुनेसम्मलाई कमिशन लिएर एजेन्टका माध्यमले सवारी लाईसेन्स बितरण गर्ने गरिएको खबर प्राप्त भएपछी प्रमुख दासमाथी अख्तियार दुरुपयोग अनुसन्धान आयोगमा निवेदन दिने तयारी भइरहेको छ।
हुनत उनि अख्तियारको छानबिनमा पहिला पनी परिसकेर ‘नजराना’ बुझाई निस्केका व्यक्ती भएपनी फेरि उनको खुल्लामखुल्ला भ्रष्टाचार छर्लङ्ग भएपछि उनिमाथी थप अनुसन्धान गर्न मुद्दा दिने तैयारी भैरहेको जनाईएको छ।
दासले जिल्लामा केही हाकिमलाई नजराना बुझाई आफ्नो भ्रष्टाचारको खुलासा नगराईदिन आफ्ना’दुत’ सत्यनारायण सहलाई नै खटाएको कुरा समेत पत्ता लागेको छ।
प्रतिक्रिया दिनुहोस् !