पत्रकार र संचार क्षेत्रको सुरक्षाप्रति राज्य गम्भीर नबनेको पत्रकारहरुको आरोप

६ बैशाख,बारा । पत्रकार सुरेश रजकको हत्यामा संलग्नलाई कार्बाहीगर्न राज्य गम्भीर नभएको बाराका पत्रकारहरुले आरोप लगाएका छन ।
नेपाल पत्रकार महासंघ बाराले आज कलैया स्थित सभा हलमा आयोजना गरेको पुर्व अध्यक्ष र संचालकहरुस्ंगको छलफल कार्यक्रममा वक्ताहरूले पत्रकार रजकको हत्यामा संलग्नलाई तत्काल पक्राउ गरी कानुनी दायरामा ल्याउन माग गरे ।
उनीहरुले संचार क्षेत्रकालागि राज्यले बिशेष योजना बनाउनु पर्नेमा जोड दिए ।
स्वर्गीय पत्रकार रजकको परिवारलाई रोजगारीको ग्यारेन्टी गर्न समेत वक्ताहरूले माग गरे ।
महासंघका अध्यक्ष रमेश सुवेदीको अध्यक्षतामा सम्पन्न कार्यक्रममा पुर्व अध्यक्ष कमल उपाध्याय , पुर्व उपाध्यक्ष राकेश पाण्डेय र रामबाबु मेहता,महासंघका सदस्य धिरेन्द्र तिवारी र नरेश गुप्ता ,नेपाल प्रेस युनियनका मधेस प्रदेश अध्यक्ष सत्य प्रसाद श्रेष्ठ,महासंघका पुर्व सहसचिव संजय तिवारी लगायतले मन्तव्य राखेका थिए ।
कार्यक्रमको संचालन महासंघका सचिव पुष्पराज खतिवडाले गरेका थिए ।