भरत चौकमा नवनिर्मित पार्कको मेयर साह र पृतनापती जिसिले गरे उदघाटन

२७ चैत,बारा । कलैयाको मुख्यचौकमा नेपाली सेनाद्वारा पुन:निर्माण गरिएको पार्कको उदघाटन गरिएको छ।
पार्कको उदघाटन नेपाली सेनाका मध्यपुर्वी पृतनाका पृतनापती उपरथी कृष्ण प्रसाद जिसि र कलैया उपमहानगरपालिकाका नगर प्रमुख बिनोद साहले संयुक्त रुपले गरेका छन।
कलैयाको मुटु मानिने भरत चौकमा रहेको पार्क जिर्ण भएपछी त्यसको पुन:निर्माण नेपाली सेनाको ब्रह्मपुरी स्थित ज्वालादल गणले गरेको थियो।
पार्कको उदघाटन गर्दै पृतनापती जिसिले नेपालका सबै वर्ग समुदायले मिलेर देशको रक्षा गरेको र त्यसको जगेर्णा गर्ने दायित्व सबैको भएको बताए।
पार्कमा मधेशका सेनाको प्रतीक स्वरुप नेपालको नक्साको दुबैछेउं भाला सहित दुइजना मधेसी व्यक्तिहरुको मुर्ती स्थापना गरिएको छ।
जिसिले उदघाटनपछी कलैया उपमहानगरपालिकाका नगर प्रमुख बिनोद साहलाई उक्त पार्क हस्तान्तरण गर्नुभएको हो। बिधिवत रुपमा पुजाआजाका साथ नेपाली झण्डा फहराउदै कार्यक्रम सम्पन्न भएको छ। सो अवसरमा उपप्रमुख रौशन प्रविन, प्रमुख प्रशासिकिय अधिकृत नाथु साह, वडा नं.१ का वडाध्यक्ष मोहन क्षेत्री तथा विभिन्न सुरक्षा निकायका प्रमुखहरु, संचारकर्मी एवम आम नागरिक सहभागी रहेका थिए।