६ चैत,बारा । बारामा दर्जनौं बढी मापदण्ड बिपरितका अबैध क्रसर उधोगहरु संचालनमा रहेको पाइएको छ।
जिल्लाको उत्तरी तथा दक्षिण नहर सडकखण्डमा अबैध रुपमा क्रसर उधोगहरु संचालनमा रहेका छन। अवैध रुपमा क्रसर उधोग संचालन हुदा पनी नियमन गर्ने सम्बन्धित निकाय अनभिज्ञ झै भएका छन।
त्यस्ता क्रसरहरुलाई स्थानीय निकाय, प्रहरी तथा प्रशासनले अनुगमन तथा नियमन नगर्दा राज्यलाई करोडौ राजस्व गुम्नुका साथै चुरेको दोहन समेत भइरहेको छ।
जिल्लाको निजगढ, जितपुर-सिमरा, कोल्हवी, फेटा, देवताल, करैयामाई, बारागढी लगायतको पालिकाहरुमा यस्ता क्रसर उधोगहरुले नवीकरण नगरिएको, स्थानीय तहमा संचालनको अनुमतिपत्र नलिइएको पाईएको छ ।
क्रसर उद्योगको अनुमति, दर्ता तथा नियमन सम्वन्धी प्रक्रिया तथा मापदण्ड, २०८० अनुसार क्रसर उधोग दर्ता हुनुर्ने कानुनी प्रावधान छ। तर अवैध रुपमा संचालन रहेका यस्ता क्रसर उधोग स्थानीय तहलाई बिना जानकारी संचालनमा रहेको पाइएको छ।
पुर्व गृहमन्त्री रबि लामिछानेलेको कार्यकालमा नेपाल भरिका क्रसर उधोगहरुलाई बन्द गर्न स्थानीय प्रशासनलाई पत्राचार गरिएपछी क्रसर उधोग संचालकहरु भगाभाग भएका थिए।
यस्ता क्रसर उधोगहरु मानवबस्ती, नहर छेउमा संचालनमा आएपछि स्वास्थ्यमा प्रतिकुल असर पर्ने देखिन्छ । मापदण्ड बिपरित खुलेका यस्ता क्रसर उधोगहरु माथी नियमन निकायको ध्यान जानु जरुरी छ ।
प्रतिक्रिया दिनुहोस् !