- १३ फागुन,बारा । लैङ्गिक हिंसा न्युनिकरणका लागि सबै पक्षको सहकार्य जरुरी रहेको जिल्ला समन्वय समिती बाराका प्रमुख नरेन्द्र साहले बताएका छन।
लैङ्गिकतामा आधारित हिंसालेले समाजमा नकारात्मक असर पारिरहेकोले त्यस्को निराकरण गर्न सबै सरोकारवाला एक्यबद्ध भइ आ-आफ्नो ठाउंबाट लाग्नुपर्ने प्रमुख साहले बताए।
दिव्य विकाश श्रोत केन्द्र, पर्साले मंगलवार कलैयामा आयोजना गरेको लैङ्गिकतामा आधारीत हिंसा रोकथाम र प्रतिकारकालागी जिल्ला स्तरिय बहुसरोकारवालाहरु संग सेवा नक्सांकन कार्यशालामा बोल्दै प्रमुख साहले उक्त कुरा बताएका हुन।
बारा जिल्लामा पछिल्लो समयमा लैङ्गिक हिंसाका घटना अप्रत्याशित रुपमा बढेको भन्दै उनले त्यसको रोकथामका लागि परिवार, समाज, राज्य र सरोकारवाला सबै एकजुट भएर लाग्नुपर्ने बताए।
संस्थाका अध्यक्ष उमेश चौहानको अध्यक्षतामा आयोजित कार्यक्रममा सिम्रौनगढ नगरपालिकाका प्रमुख किशोरी साह कलवारले लैङ्गिक हिंसा पुरुषबाट मात्रै नभइ महिलापक्षबाट समेत हुनेगरेको बताए।
कार्यक्रममा गणेश ठौरीले कार्यपत्र प्रस्तुत गर्दै लैङ्गिक हिंसाको अवस्था र न्युनिकरणका उपाय बारे बताएका थिए।
प्रतिक्रिया दिनुहोस् !