बाराली पत्रकारहरुको भारतिय महामण्डलेश्वरसंग भेटघाट, गरिब कल्याण योजना संचालन गर्ने चाहना

२४ माघ,नया दिल्ली  ।  बारा जिल्लाका संचारकर्मीहरुले भारतको प्रख्यात अखाडाका महामण्डलेश्वरसंग भेटघाट गरेका छन।
संचारकर्मीहरुको टोलिले दिल्ली एनसिआर अन्तर्गत हरियाणाको गुरुग्राममा भारतको प्रख्यात सिद्ध महाबली योग अखाडाका महामण्डलेश्वर अनन्त श्री विभुषित श्री श्री १००८ आचार्य महामण्डलेश्वर स्वामी धनेश्वर गिरि महराजसंग छलफल तथा भेटघाट गरेका हुन।
त्यहां स्थित पब्लिक रिलेशन एण्ड एड्भोकेशी ग्रुप (पराग)को कार्यालयमा छलफल कार्यक्रम आयोजना भएको हो। छलफलका क्रममा महामण्डलेश्वर गिरिले अबको युगमा अर्थव्यवस्थाको मजबुतिका माध्यमले धर्मव्यवस्थालाई बलियो पार्नुपर्ने बताए।
उनले आम नागरिको बाच्न पाउने अधिकारलाई सरल बनाउन आफुहरुले जगत कल्याणको कार्य अगाडि बढाईरहेको बताए।
‘नागरिकको जीवन उकास्न पहिला उसको अर्थव्यवस्था सुधार्नु आवस्यक छ’ गिरिले भने- ‘गरिब र धनी दुबैलाई बाच्ने अधिकार छ, तर गरिब आधारभुत अभावमा मरिरहेका। हामी उनिहरुको जीवन धर्मव्यवस्थाको माध्यमले उकास्ने कार्य गर्छौं।’
महामण्डलेश्वर गिरिले आफ्नो अखाडाले गरिब कल्याणको कामहरु गर्दै आएको बताएका थिए।
‘भारतमा हामिले गरिब परिवारका छोरी-चेलीहरुको विवाहका लागि कन्यादान योजना, युवाका लागी रोजगार तथा प्रशिक्षण योजना र असहायका लागी एककोठे घर निर्माण गर्ने कार्य संचालन गरिरहेका छौ’ गिरिले भने- ‘जबसम्म मानिसको आत्मा शान्त र संतुष्ट हुदैन तबसम्म जगत कल्याण असम्भव छ।’
महामण्डलेश्वर गिरिले सिघ्रनै नेपाल भ्रमणमा आउने र त्यहांका गरिब असहायकालागी केही गर्न चाहेको चाहना व्यक्त गरेका थिए। महामण्डलेश्वर गिरिले भारतको टनकपुरको बनवासामा जन्मी जुना अखाडाबाट सिद्धि प्राप्त गरेका छन ।
भारत भ्रमणमा रहेका पब्लिक रिलेशन एण्ड एड्भोकेशी ग्रुप, नेपालका प्रमुख संजय तिवारीको नेतृत्वम रहेको टोलिमा नेपाल पत्रकार महासंघका केन्द्रीय सदस्य सिकेन्द्र पासवान, बारा जिल्ला अध्यक्ष रमेश सुवेदी, पत्रकार उमेश दुबे तथा शुभारम्भ दैनिकका प्रकाशक अनिल पाण्डेय सहभागी रहेका थिए। कार्यक्रमको समन्वय पराग ईण्डियाका प्रमुख गौरव गौतमले गरेका थिए भने भारतको टाईम्स अफ ईण्डियाका बरिष्ठ पत्रकार ईन्द्रजित राव लगायतका सहभागी रहेका थिए।