- १२ माघ,काठमाडौं । प्रहरी प्रधान कार्यालयले प्रमुखको जिम्मेवारीमा रहेका पाँच जिल्लामा हेरफेर गर्दै १७ एसपीको सरुवा गरेको छ ।
उक्त दर्जाको सबभन्दा आकर्षक मानिने जिल्ला प्रहरी कार्यालयमा गौतम मिश्र सरुवा भएका छन् । त्यहाँका कुमोध ढुंगेल प्रधान कार्यालयमा खटाइएका छन् ।
इलामको प्रहरी प्रमुखमा एकनारायण कोइराला सरुवा भएका छन् । त्यहाँका प्रमुख प्रभुप्रसाद ढकाल एसएसपीमा बढुवा भएपछि उक्त जिम्मेवारी रिक्त भएको थियो । नुवाकोट प्रहरी प्रमुखमा दुर्गाराज रेग्मी सरुवा भएका छन् । त्यहाँ कार्यरत शान्तिराज कोइराला पनि एसएसपीमा बढुवा भएका छन् ।
बारामा सन्तोष तामाङ सरुवा भएका छन् । सिन्धुपाल्चोकमा रामेश्वर कार्की र चितवनमा राजन लिम्बू सरुवा भएका छन् ।
काठमाडौं प्रहरी परिसरमा अपिलराज बोहराले प्रवक्ता जिम्मेवारी पाउने गरी सरुवा भएका छन् । त्यहाँका एसपी नवराज अधिकारी हालै एसएसपीमा बढुवा भएका छन् ।
प्रतिक्रिया दिनुहोस् !