१४ मंसिर, बारा । सदस्यताको बिषयलाई लिएर नेपाल पत्रकार महासंघ बारामा आज फेरि तालाबन्दी भएको छ ।
समाजवादी प्रेस संगठन नेपाल बाराले महासंघमा आज तालाबन्दी गरेको हो ।
संगठनका केन्द्रिय सदस्य रमेश सुवेदी र जिल्ला सचिव नरेश गुप्ताको नेतृत्वमा गएको टोलीले महासंघमा तालाबन्दी गरेको हो ।
नेपाल पत्रकार महासंघको सदस्यताकालागि केही गैरपत्रकारलाई सिफारिस गरिएकोले आरोप लगाउँदै संगठनले महासंघमा अनिश्चितकालकालागी तालाबन्दी गरेको हो ।
आफुलाई ठूलो भन्ने मुख्य तीन संगठनले र महासंघको नेतृत्वले भागबन्डाका नाममा क्रियाशील पत्रकारको सदस्यता सिफारिस नगरेर महासंघको विधान विपरीत केही गैरपत्रकारलाई समेत सदस्यता दिन सिफारिस गरेकोले आफुहरु महासंघमा तालाबन्दी गर्नु परेको संगठनका केन्द्रिय सदस्य रमेश सुवेदीले बताए ।
भागबन्डाको नाममा आफ्ना खल्तीका मान्छे र दलका कार्यकर्तालाई महासंघको सदस्यता दिन खोजिएकोले आफुहरु तालाबन्दी गर्नु परेको समाजवादी संगठनका जिल्ला सचिव नरेश गुप्ताले बताए ।
महासंघ विशुद्ध श्रमजीवी र क्रियाशील पत्रकारहरुको संस्था हो केन्द्रिय सदस्य सुवेदीले भने तर यसलाई राजिनिती गर्ने थलो ठुला संगठनहरुले बनाउन खोजे ।
।
वितीय संस्थामा काम गरेर अवकाश भएका, काम गर्दै गरेका र विगतमा महासंघले कार्वाही गरेर सदस्यता नवीकरण नगरेकाहरुको नाम नयाँ सदस्यताकालागी सिफारिस गरिएकोले महासंघको साख जोगाउन आफुहरु अगाडि बढेको केन्द्रिय सदस्य सुवेदीले बताए ।
महासंघको कार्य समितिमा काम गरिसकेका क्रियाशील पत्रकार साथीहरुपनी आन्दोलनको तयारी गरेको सुवेदीले बताए ।
महासंघलाई कदापि भर्तीकेन्द्र आफुहरुले बन्न नदिने सुवेदीले स्पष्ट पारे ।
गैरपत्रकारलाई महासंघबाट नहटाए सम्म आफुहरु महासंघको निर्वाचन समेत हुन नदिने चेतावनी सुवेदीले दिए ।
प्रतिक्रिया दिनुहोस् !