१२ मंसिर,बारा । पञ्चबर्षीय गढीमाईको मेलामा कृषि उपजको आयोजना हुने भएको छ ।
गढीमाईको मेलामा मंसिर १८ गतेदेखि २४ गते सम्म कृषि एक्स्पोको आयोजना हुन लागेको हो ।
आज बारा सदरमुकाम कलैयामा आयोजित पत्रकार सम्मेलनमा एक्स्पोको बारेमा आयाेजकले जानकारी गराईएको हो ।
कनेक्ट किसान नामक संस्थाले एक्स्पोको आयोजना गर्न लागेको संस्थाकि तर्फबाट मेला संयोजक तोकिएकी सञ्चिता लामिछानेले जानकारी दिईन ।
एक्स्पोमा कृषि उपज, मेशीनरीहरु प्रदर्शन गरिनुकासाथै बिक्री गरिने लामिछानेले जानकारी गराईन ।
एक्स्पोमा विभिन्न कृषि विज्ञहरुले किसानहरुलाई विभिन्न बालीका बारेमा सेवा उपलब्ध गराउने छन ।
करिब डेढदेखी दुईलाख किसानले एक्स्पोको अवलोकन गर्ने अनुमान गरिएको आयोजकले जनाएको छ ।
एक्स्पोमा करिब १५ करोडको कारोबार हुने अनुमान गरिएको आयोजक संस्थाले जनाएको छ ।
प्रतिक्रिया दिनुहोस् !