१५ कार्तिक, बारा । बाराको महागढीमाई नगरपालिका-१ सेमरा तेगछियाका वृद्धको हत्यामा संलग्न एकजनालाई प्रहरीले पक्राउ गरि सार्वजनिक गरेको छ ।
प्रहरीले श्री नारायण यादवको हत्यामा संलग्नलाई सार्वजनिक गरेको हो ।
प्रहरीले स्थानीय ६४ बर्षीय सोथाई चौधरीलाई आज पत्रकार सम्मेलनगरि सार्वजनिक गरेको हो ।
चौधरीले खुकुरी प्रहार गरि यादवको हत्या गरेको प्रहरी उपरीक्षक महेन्द्र खडकाले जानकारी गराए ।
चौधरीले हत्यामा प्रयोग गरेको खुकुरी चौधरीको बयानको आधारमा आज बिहान बरामद गरिएको प्रहरी नायब उपरीक्षक प्रकाश सापकोटाले जानकारी गराए ।
चौधरीले जग्गाको रिसीईवीका कारण यादवको हत्या गरेको प्रहरी नायब उपरीक्षक सापकोटाले जानकारी गराए ।
यादवको हत्या हुनुभन्दा एक हप्ता अगाडि रक्सीभट्टीमा चौधरीसँग विवाद भएर झगडा समेत भएको प्रहरी उपरीक्षक खडकाले जानकारी गराए ।
गएको कार्तिक १० गते चौधरीले यादवको हत्या गरेका थिए ।
प्रतिक्रिया दिनुहोस् !