२९ असार,पर्सा । वीरगञ्ज महानगरपालिका वडा नम्बर १६ स्थित मितेरी पुलको दक्षिणपट्टी दसगजामा गोली चलेको छ। प्रत्यक्षदर्शीहरूको भनाइ अनुसार भारतीय सीमा सुरक्षा बल (एसएसबी) ले नेपालतर्फ छिरेर गोली चलाएको आरोप लागेको छ।
स्थानीय स्रोतका अनुसार, केही व्यक्तिहरू कबाडी सामान बोकेर नेपालतर्फ ल्याउँदै थिए, यसक्रममा भारतीय एसएसबीले उनीहरूलाई रोक्ने प्रयासमा गोली चलाएको बताइएको छ। यस घटनामा भने कुनै मानवीय क्षति नभएको जनाइएको छ।
पर्सा प्रहरीका अनुसार घटनास्थलमा गोलीको खोका फेला परेको छ तर गोली कसले चलाएको भन्नेबारेमा अझै पुष्टि भएको छैन। हाल घटनाको थप अनुसन्धान भइरहेको प्रहरीको भनाइ छ।
सीमामा यसप्रकारका घटनाहरूले सुरक्षा संवेदनशीलतामाथि थप प्रश्न उठाएको छ भने स्थानीय बासिन्दाहरूमा त्रासको स्थिति छाएको छ।
प्रतिक्रिया दिनुहोस् !