२१ असोज, बारा । बारामा लुटपाटमा संलग्न चारजना भारतिय प्रहरिकाे फन्दामा परेकाे छ ।
ज्येष्ठ नागरिकलाई लुटपाट गर्ने चारजनालाई जिल्ला प्रहरी कार्यालयको टोलीले कलैयाबाट पक्राउ गरेको हो ।
कलैया स्थित प्रभु बैंकबाट ५० हजार रकम झिकेका कलैया उपमहानगरपालिका वडा नम्बर-१३ का एकजना ज्येष्ठ नागरिकलाई छुरा देखाएर रकम लुटपाट गरेका चारैजनालाई प्रहरीले दिउँसो पक्राउ गरेको हो ।
प्रहरीले भारत बिहार पश्चिम चम्पारण रानीपोखरीका ५९ बर्षीय सुरेश प्रसाद बानिया,३५ बर्षीय शैलेश तिवारी, ४५ बर्षीय शर्मा मुखिया र मुजफ्फरपुर बन्जरियाका ३४ बर्षीय रवि दासलाई पक्राउ गरेको प्रहरी नायब उपरीक्षक प्रकाश सापकोटाले जानकारी गराए ।
उनीहरुको साथबाट एउटा भारतीय नम्बरको मोटरसाइकल समेत बरामद गरिएको प्रहरीले जनाएको छ ।
प्रतिक्रिया दिनुहोस् !