२७ भदाै, काठमाडौँ । जनमत पार्टीका अध्यक्ष डा सीके राउतले श्रीमतीसँग सम्बन्ध विच्छेदको मुद्दा दायर गरेका छन् ।
श्रीमती सोनी सिन्धु घरमा नबस्ने अनि माइतमात्र जाने गरेको भन्दै राउतले ललितपुर जिल्ला अदालतमा सम्बन्धबिच्छेदको मुद्दा (फिरादपत्र) दायर गरेका हुन् ।
अदालतका प्रवक्ता रामसजिवन महतोका अनुसार गत भदौ १२ गते नै राउतले मुद्दा दर्ता गराएका छन् । सिन्धु लामो समयदेखि भारतमा रहँदै आएको दाबी पनि उनले उक्त मुद्दामा उल्लेख गरेका छन् ।
उक्त मुद्दामा अहिले जिल्ला अदालतले म्याद तामेलीको तयारी गरिरहेको छ । राउतले श्रीमतीले आफ्ना छोराछोरी र परिवारको दायित्व पुरा नगरेकाले मुलुकी संहिता अनुसार आफू अलग भएर बस्न चाहेको फिरादपत्रमा उल्लेख गरेका छन् ।
राउतकी श्रीमती सिन्धु भारतीय नागरिक हुन् भने उनीहरूका दुई छोरी र एक छोरा छन् । राउतले मुद्दामा ‘अंश’ दिएर राख्न पनि आफू तयार रहेको फिरादपत्रमा उल्लेख गरेका छन् ।
प्रतिक्रिया दिनुहोस् !