७ साउन,पर्सा । सवारी दुर्घटनामा परेर नेपाल पत्रकार महासंघ मधेश प्रदेश समितिका महासचिव श्याम बन्जारा र उनकी पत्नी सुभद्रा बन्जारा घाइते भएका छन्।
बाराको जितपुर बजारमा सोमबार दिउँसो भएको दुर्घटनामा दुवैजना घाइते भएका हुन् ।
पत्रकार बन्जारा चढेको प्रदेश ३-०१-०२४ छ १८६५ नम्बरको कारलाई ट्रकले ठक्कर दिएको थियो । सिमराबाट वीरगन्जतर्फ आइरहेको कारलाई सोही दिशाबाट आइरहेकाे ट्रकले ठक्कर दिएको प्रहरीले जनाएको छ ।
प्रहरीका अनुसार तीव्र गतिमा जाँदै गरेको ट्रकको टायर पड्किएर अनियन्त्रित भई कारमा ठोक्किन पुगेको हो । ट्रक चालक र ट्रकलाई प्रहरीले नियन्त्रणमा लिएको छ ।
दुर्घटनामा परी घाइते भएका दुवैजनालाई उपचारका लागि वीरगन्जस्थित हेल्थ केयर अस्पतालमा भर्ना गरिएको छ।
दुवै जनाको टाउको र ढाडमा चोट लागेको तर अवस्था भने खतरामुक्त रहेको प्रहरीले जनाएकाे छ ।
प्रतिक्रिया दिनुहोस् !