१ जेठ,बारा । ‘स्वास्थ्यको लागि खेलकुद, राष्ट्रका लागि खेलकुद’ भन्ने मुल नाराका सांथ कलैया उपमहानगरपालिकाको प्रायोजन तथा नगर खेलकुद बिकाश समितिको आयोजनामा यहि ज्येष्ठ ३ गतेदेखी “दोश्रो कलैया उपमहानगरपालिका कप फुटबल प्रतियोगिता २०८१” हुने भएको छ।
विभिन्न ८ वटा टिम सहभागी हुने प्रतियोगितामा प्रथम हुनेलाई तीस हजार तथा द्वितिय हुने टिमलाई बीस हजार रुपैंया नगद पुरस्कार प्रदान गरिने नगर खेलकुद बिकाश समितिका संयोजक एम.समिउल्लाहले जनाएका छन।
पुरस्कारका सांथै सहभागी टोलिहरुलाई दैनिक व्यवस्थापन तथा खाजा खर्च एवम दैनिक पुरस्कार समेत प्रदान गरिने समिउल्लाहले बताएका छन।
सो प्रतियोगिता कलैया-२१ को भोडहा स्थित फुटबल मैदानमा हुने जनाईएको छ।
प्रतियोगितामा नेपाली सेनाको ज्वालादल गुल्म, अमरज्योती क्लब, समाज बिकास युवा क्लब, सनसाईजिङ्ग क्लब, जनजागृती युवा क्लब, सिद्ध बाबा युवा क्लब, जन प्रगती युवा क्लब तथा उजाला युथ क्लब सहभागी हुने आयोजक संस्थाका दिनदयाल साहले बताए।
प्रतिक्रिया दिनुहोस् !