२२ बैसाख,काठमाडौं । सरकारले एक सय रुपैयाँको नोटमा नेपालको नयाँ नक्सा राख्ने निर्णय गरेको छ । बिहीबार बसेको मन्त्रीपरिषद् बैठकले नोटको अग्रभागको पृष्ठभूमिमा रहेको नेपालको नक्साको सट्टा नयाँ नक्सा राखेर नयाँ डिजाइन परिमार्जन गर्न स्वीकृति दिएको हो ।
सञ्चार तथा सूचना प्रविधि मन्त्री एवं सरकारका प्रवक्ता रेखा शर्माले मन्त्रिपरिषद बैठकका निर्णय सार्वजनिक गर्दै
<span;>अहिले चलनचल्तीमा रहेको एक सय रुपैयाँ नोटको अग्रभागको पृष्ठभूमिमा नेपालको नयाँ नक्सा राखिने निर्णय भएको जानकारी दिए ।
उनका अनुसार योभन्दा पहिले नेपालको पुरानो नक्सा भएको नोट थियो । अहिले चुच्चे नक्सा आइसकेपछि त्यही नक्सा राखेर नै डिजाइन परिवर्तन गर्ने निर्णय भएको हो ।
तत्कालीन सरकारले २०७७ जेठ मा लिम्पियाधुरा, कालापानी र लिपुलेक समेटिएको नेपालको नयाँ नक्सा सार्वजनिक गरेको थियो । अर्थ मन्त्रालयले बैङ्क नोटमा रहेको तस्बिर परिवर्तन गर्ने प्रस्ताव मन्त्रीपरिषद्मा लगेको थियो ।
प्रतिक्रिया दिनुहोस् !