२० चैत्र, बारा । बारामा प्रहरीले स्रोत नखुलेको रकम सहित दुईजनालाई पक्राउ गरेको छ ।
प्रहरीले १३ लाख ५० हजारको नोट सहित दुईजनालाई पक्राउ गरेको हो । प्रहरीले पर्साको पोखरीया नगरपालिका वडा नम्बर-१ बनकटवाका ३४ बर्षीय हरिकिशोर प्रसाद पटेल र बाराको महागढीमाई नगरपालिका वडा नम्बर-१ का ४२ बर्षीय रमेश प्रसाद महतोलाई श्रोत नखुलेको रकम सहित पक्राउ गरिएको प्रहरी उपरीक्षक सुरेश काफ्लेले जानकारी गराउनु भयो ।
बाराको बिश्रामपुर गाउँपालिका वडा नम्बर-४ मुसहर्वा स्थित गण्डक नहरको बाटोबाट दुबैजनालाई पक्राउ गरिएको प्रहरी उपरीक्षक काफ्लेले जानकारी गराउनु भयो । उनीहरू सवार प्रदेश २ -०३-०१६ प २३३७ नम्बरको मोटरसाइकल समेत बरामद गरिएको प्रहरी उपरीक्षक काफ्लेले जानकारी गराउनु भयो ।
उनीहरुलाई रकम सहित आज पत्रकार सम्मेलन गरि जिल्ला प्रहरी कार्यालयमा सार्वजनिक गरिएको हो । उनीहरु माथी थप अनुसन्धान भईरहेको प्रहरीले जनाएको छ ।
प्रतिक्रिया दिनुहोस् !