उदाउँदो सूर्यलाई अर्घ्य दिएर छठ पर्वकाे समापन

४ मंसिर, बनरा । छठ पर्वको अन्तिम दिन आज उदाउँदो सूर्यलाई अर्घ्य दिने गरिन्छ । यससँगै छठ पर्व समापन हुन्छ ।

आज बिहानै उदाउँदो सूर्यलाई अर्घ्य दिएर व्रतालुहरूले छठ पर्वको समापन गरेका छन् ।
खासगरी तराई र सहरी क्षेत्रमा यो पर्व विशेष गरी मनाउने गरिन्छ । मधेश प्रदेसकाे बीरगञ्ज,जनकपुर,बिराटनगर,बाराकाे कलैया लगायत काठमाडौंमा पनि हरेक वर्ष जस्तै यस वर्ष पनि धुमधामका साथ मनाइएको छ ।
यहाँका नदी र पोखरीलाई रंगीचंगी बनाएर छठ मनाइएको छ । तिनै पोखरी र नदीमा पुगेर बिहानै व्रतालुहररुले सूर्यलाई अर्घ्य दिएर छठ समापन गरेका छन् ।