२३ कार्तिक,बारा । अबैध हथियार राख्ने ५ जना बारा प्रहरिकाे फन्दामा परेका छन ।
ईलाका प्रहरी कार्यालय सिम्रौनगढले बिहिबानर बिहान सिम्राैनगढ ११ बाट दुई पेस्तोल र दश थान गोलीसहित पाँचजनालाई पक्राउ गरेको छ ।
पक्राउ पर्ने बारा जिल्ला सिम्रोनगढ नगरपालिका ११ भगवानपुर बस्ने ४० बर्षिय उपेन्द्र पटेल, २७ बर्षिय धिरेन्द्र पटेल, ६२ बर्षिय रुपलाल पटेल, रौतहट जिल्ला बौधीमाई नगरपालिका २ बस्ने ४४ बर्षिय राजमंगल पटेल र ८० बर्षिय सोभा राउत रहेको जिल्ला प्रहरी कार्यालय बाराका प्रहरी नायब उपरिक्षक दधिराम न्यौपानेले जानकारी दिए।
बारा जिल्ला सिम्रौनगढ नगरपालिका ११ भगवानपुर बस्ने रूलाल पटेलको छोरा उपेन्द्र पटेलले आफ्नो घर कोठामा अबैध रुपमा हतियारसहित मानिस लुकिछिपी बसेको सूचना पाएर गएको ईलाका प्रहरी कार्यालय सिम्रौनगढको प्रहरी टोलीले घर खानतलासी गर्दा कालो रंगको पोलिथिन झोला भित्र सेतो कपडाले बेरी लुकाई छिपाई राखेको एउटा नलकटुवा पेस्तोल सहित एक थान गोली र एउटा रिभाल्वर सहित सात थान गोली बरामत गरिएको हो ।
यो संगै प्रहरीले केएफ लेखिएको जंगी राउण्ड दुई थान गोली बरामद गरिएको जिल्ला प्रहरी कार्यालय बाराले जनाएकाे छ ।
पक्राउ परेकालाई हातहतियार तथा खरखजाना ऐनअन्तर्गत जिल्ला प्रशासन कार्यालयबाट म्याद थप गरी अनुसन्धान भइरहेको प्रहरीले जनाएको छ ।
प्रतिक्रिया दिनुहोस् !