२ साउन,जनकपुरधाम । मुक्त हरवाचरवाहरुको न्यायिक पुनरस्थापना हाम्रो सरोकार, शिक्षा, स्वास्थ्य, रोजगारी र सामाजिक सुरक्षा हाम्रो अधिकार भन्ने मुल नाराका साथ राष्ट्रिय हरवाचरवा अधिकार मञ्चको आयोजनामा मधेशप्रदेशको राजधानी जनकपुमा प्रथम हरवाचरवा मुक्ति दिवश सम्पन्न भएको छ ।
कार्यक्रमको उदघाटन गर्दै प्रमुख अतिथी एवं मधेसप्रदेश सरकारका भूमि ब्यवस्था, कृषि तथा सहकारी मन्त्री गोबिन्द्र बहादुर न्यौपानेले मधेस प्रदेश सरकारले आर्थिक बर्ष २०८०÷२०८१ को निति तथा कार्यक्रमले मुक्त हरवाचरवाको सवाल बिशीष्ट ढंगले सम्बोधन गरेको कुरा औल्याउनुभयो ।
उहाँले मधेश प्रदेश सरकारले आगामी बर्षको निति तथा कार्यक्रमको बुदा नं १७९ मा स्थानिय सरकारको समन्वयमा मधेश प्रदेशको सबै जिल्लाहरुमा मुक्त हरवाचरवाको तथ्यांक संकलन गरी प्रमाणीकरण र परिचयपत्र बितरण गरिने कुरा उल्लेख भएको बताउदै यसको प्रभावकारी कार्यान्वयनका लागि मधेसप्रदेश सरकारको तर्फबाट प्रतिबद्धता समेत ब्यक्त गनुृभयो ।
मधेस प्रदेशका सांसद द्वय माला कर्ण र रत्नेश्वर गोहितले मुक्त हरवाचरवाको पुनरस्थापनाका लागि मधेस प्रदेशसभामा आफनो तर्फबाट भूमिका निर्वाह गरिने कुरा प्रतिबद्धता जाहेर भयो ।
त्यस्तै अर्का बक्ता मधेसप्रदेश निति आयोगका उपाध्यक्ष नाथुप्रसाद चौधरीले मुक्त हरवाचरवाहरुको बहुआयामिक समस्याहरुको सामाधान गर्ने प्रमुख दायित्व राज्यको भएकोले उनीहरुको सामाजिक न्यायका सवालहरु नीति माध्यम सम्बोधन गर्नुृपर्ने कुरामा जोड दिनुभयो । यसका लागि प्रदेश निति आयोगले आफनो तर्फबाट सकारात्मक भुमिकाको पहल कदमीको थालनी गर्ने कुरा बताउनुभयो ।
कार्यक्रममा नेपाल कम्युनिष्ट पार्टी (एकिकृत समाजवादी) महोत्तरी जिल्ला अध्यक्ष कौशीलाल यादव, ईन्सेकका मधेसप्रदेश प्रमुख राजु पाशवान, द फ्रिडम फण्डका जनवकालत सल्लाहकार बालाराम भट्टराई, ट्रेड यूनियनका मधेस प्रदेशका सचिव अनिल कुमार झा, राष्ट्रिय हरवाचरवा अधिकार मञ्चका केन्द्रीय कोषाध्यक्ष राजवती मण्डल, जिल्ला हरवाचरवा अधिकार मञ्च महोत्तरीका अध्यक्ष शिब सदा, जिल्ला हरवाचरवा अधिकार मञ्च सप्तरीका अध्यक्ष देवलाल राम र दलित जनकल्याण यूवा क्लव सिराहाका अध्यक्ष उमेश बिशुंके लगायतले मन्तब्य ब्यक्त गर्नु भएको थिय ।
राष्ट्रिय हरवाचरवा अधिकार मञ्चका केन्द्रीय अध्यक्ष दशनलाल मण्डलको अध्यक्षतामा सम्पन्न कार्यक्रममा दलित जनचेतना दलित संगमका अध्यक्ष रामलखन रामले स्वागत मन्तब्य ब्यक्त गरेका थिए भने सामुदयिक सुधार केन्द्र धनुषाका अध्यक्ष संजय शाहले कार्यक्रमको उद्देश्यमाथी प्रकाश पारेका थिए ।
कार्यक्रमको सञ्चालन राष्ट्रिय दलित नेटवर्क, नेपालका महोत्तरी जिल्ला एक्टीभिष्ट ममता बिश्वकर्माले गर्नुभयो ।
उक्त कार्यक्रममा हरवाचरवा मुक्ति आन्दोलन नेता एवं राष्ट्रिय हरवाचरवा अधिकार मञ्चका केन्द्रीय अध्यक्ष दशनलाल मण्डल ज्यूलाई कार्यक्रमका प्रमुख अतिथीबाट सम्मान समेत ब्यक्त गरिएको थियोे । कार्यक्रममा राष्ट्रिय हरवाचरवा अधिकार मञ्च तथा मधेसप्रदेशका ८ वटै जिल्लाका हरवाचरवा अधिकार मञ्चका प्रतिनिधीहरु, मधेसप्रदेश सभा सदस्यहरु, सरकारी निकाय, मानव अधिकारकर्मी, ट्रेड यूनियन, नागरिक समाज र सञ्चारकर्मीहरुको सहभागिता रहेको थियो ।
सोही अवसरमा नेटवर्कका केन्द्रीय अध्यक्ष गणेश बिश्वकर्माले प्रेश बिज्ञप्ती जारी गर्दै मुक्त हरवाचरवाको पुनरस्थापनाका लागि संविधानसभा सदस्य तथा नागरिक आन्दोलनका अगुवा श्याम श्रेष्ठको संयोजकत्वमा गठित मुक्त कमैया, कम्लरी, हलिया तथा हरवाचरवा सम्वन्धी वस्तुस्थितिको अध्ययन प्रतिवेदन २०७९ को अक्षरसः कार्यान्वन गर्नका लागि जोडदार गर्नका लागि जोडदार माग गर्नु भएको छ ।
मुक्ति दिवशकै अवसरमा आज बेलुका मधेस प्रदेशका ८ वटै जिल्लाका ३२ वटा पालिकाहरुमा स्थानिय हरवाचरवा अधिकार मञ्चद्धारा दिप प्रज्वलन गर्ने कार्यक्रम रहेको कुरा राष्ट्रिय दलित नेटवर्कका कार्यकारी निर्देशक हुकुम सार्कीले बताउनुभयो ।
प्रतिक्रिया दिनुहोस् !