२ असार,पर्सा । वीरगञ्ज महानगरपालिकाभित्रका सबै विद्यालय आइतवार देखि खुल्ने भएका छन् । यसअघि दिइएको गर्मी विदाको अवधी सकिएसँगै महानगरले आधिकारीक रुपमा विदा थप गरेको छैन । भोलीदेखि सबै विद्यालय सुचारु हुने महानगरपालिकाका शैक्षिक प्रशासन महाशाखा प्रमुख अर्विन्दलाल कर्णले जानकारी दिए ।
सामाजिक सञ्जाल तथा सञ्चार माध्यममा विदा थप गरिएको सूचनाले चर्चा पाएकोमा उक्त सूचना कसैले इडिट गरेर राखेको हुँदा त्यसको विश्वास नगर्न उनले आग्रह गरे ।
महानगरले विदा थप नगर्ने र महानगरभित्रका सामुदायिक एवम् संस्थागत सबै विद्यालय भोलीदेखि खुल्ने वीरगञ्ज महानगरपालिका शिक्षा समितिका सदस्य आलोक कुमार चौररियाले जानकारी दिए ।
यसअघि अत्यधिक गर्मी बढेपछि महानगरपालिकाले गर्मी विदा दिएको थियो । अबको एक÷दुई दिन मात्रै तापक्रम बढ्ने र त्यसपछि वर्षा हुने मौसम पूर्वानुमान महाशाखाको अनुमानसँगै महानगरले विदा नथप्ने निर्णय गरेको हो ।
प्रतिक्रिया दिनुहोस् !