७ बैसाख,बारा । प्रधानमन्त्री पुष्पकमल दाहाल प्रचण्ड आज सेनाको हेलिकोप्टर चढेर कलैया आउन लागेका छन । उनी बारा २ को उपनिर्वाचन प्रचारप्रसारको क्रममा आयोजित आमसभालाई सम्बोधन गर्न पौने १२ बजे आउने कार्यक्रम रहेको बताइएको छ ।
सोही उडानमा नेपाली काँग्रेस सभापति शेरबहादुर देउवालगायत गठबन्धन दलका शीर्ष नेताहरु पनि बारा आउने बताईन्छ । प्रधानमन्त्रीको सरकारी निवास, बालुवाटारबाट उड्ने एनए ०५३ एमआई सेनाको हेलिकोप्टर बारास्थित सेनाको ज्वाला दल गणमा अवतरण हुनेछ ।
बाराकाे कार्यक्रम सकेर प्रधानमन्त्री चितवनको शक्तिखोर पुगेर सोही हेलिकोप्टरमा अपरान्ह काठमाडौं फर्कने बुझिएको छ ।
प्रतिक्रिया दिनुहोस् !