२३ चैत, बारा । सप्तरीमा मोटरसाइकल अनियन्त्रित भएर दुर्घटना हुँदा एकजनाको मृत्यु भएको छ ।
मृत्यु हुनेमा सप्तरीको बोदेबर्साइन नगरपालिका ५ भाटिन बस्ने वर्ष १७ का सागर पण्डित छन् ।
बिहीबार दिउँसो बोदेबर्साइन २ बैरियास्थित बिषनपुर बोदेबर्साइन सडक खण्डमा उत्तरबाट दक्षिणतर्फ आँउदै गरेको को १७ प ९४७५ नम्बरको मोटरसाइकल आफैँ अनियन्त्रित भएर दुर्घटना भएको हो ।
दुर्घटनामा गम्भीर घाइते चालक पण्डितको उपचारका लागि जिवन ज्योति अस्पताल बोदेबर्साइनमा लैजाँदा चिकित्सकले मृत घोषणा गरेको सप्तरीका डीएसपी नरेशकुमार सिंहले जानकारी दिए ।
मोटरसाइकलमा पछाडि बसेका १५ वर्षीय सुमित पण्डित घाइते भएका छन् । उनको जिवन ज्योति अस्पतालमा उपचार भइरहेको जिल्ला प्रहरी कार्यालय सप्तरीले जनाएको छ ।
प्रतिक्रिया दिनुहोस् !