८ पुस, बारा । बारामा दिन दहाडै अज्ञात व्यक्तिले चलाएको गोली लागि एक जनाको हत्या भएको छ ।
भारतीय नागरिक ४५ वर्षीय शिवपुजन प्रसाद यादवको हत्या भएको हो । उनी भारत बिहार मोतिहारी जिल्ला छौडादानो पिप्रा गाउँ निवासी हुन् ।
कलैया बारियारपुर सडकखण्ड अन्तर्गत बाराको महागढीमाई नगरपालिका-२ स्थित भुतही पुल नजिकै चिया नास्ता पसलमा अज्ञात व्यक्तिले चलाएको गोली लागेर उनी गम्भिर घाईते भएका थिए ।
नम्बर नखुलेको दुई वटा मोटरसाइकलमा आएका पाँच जनाको समूहका एक जनाले साढे ५ बजेतिर गोली हानेर भागेका थिए ।
बाराको परवानीपुर स्थित एलएस न्युरो अस्पतालमा उपचारको क्रममा उनको मृत्यु भएको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले जानकारी दिए । साँझ गोली लागेपछि उनलाई न्युरोड अस्पताल पुर्याइएको थियो । तर भर्ना गरेको केही बगरमै मृत घोषित गरिदियो ।
मृतकसंग ‘चिया नास्ता खान पसलमा सँगै बसेका दुई जनालाई प्रहरीले नियन्त्रणमा लिएको छ । घटनाबारे थप अनुसन्धान भइरहेको बारा प्रहरिले जनाएको छ ।’
गोली हान्ने व्यक्तिहरु फरार छन् । उनीहरुको खोजी भइरहेको प्रहरीले जनाएको छ ।
प्रतिक्रिया दिनुहोस् !