एमाले महासचिवलाई जरोकिलोको समर्थन

२४ कार्तिक,दाङ । मौलिक जरोकिलो पार्टीबाट दाङ २ मा उम्मेदवारी दिएका रामचन्द्र खड्का नेकपा एमाले प्रवेश गरेका छन् । उनले जरोकिलो पार्टीको साधारण सदस्यता परित्याग गर्दै आजैबाट एमाले प्रवेश गरेको घोषणा गरेका हुन् ।

खड्काले देश विकास र समृद्धिको नेतृत्व एमालेले मात्र गर्न सक्ने भएकाले जरोकिलो पार्टी परित्याग गरेको बताएका छन् । गत असोज २३ गते उम्मेदवारी फिर्ता लिएका नेता खड्काले सोही क्षेत्रमा प्रतिनिधि सभा सदस्यमा उम्मेदवारी दिएका एमाले महासचिव शंकर पोखरेललाई समर्थन गर्ने बताएका हुन् ।

उनले जरोकिलो पार्टीमा रहेका नेता, कार्यकर्तालाई एमालेको चुनाव चिन्ह सूर्यमा मतदान गरेर पोखरेलाई जिताउन अपिल पनि गरेका छन् ।