१९ कार्तिक,बारा । नेकपा एमालेले बारा क्षेत्र नम्बर ४ को घरदैलोमा बालबालिकाको प्रयोग गरेको पाईएको छ । निर्वाचन आचार संहिता बिपरीत एमालेले घरदैलोमा बालबालिकाको प्रयोग गरेको पाईएको हो ।
निर्वाचन आयोगले प्रमुख दलहरुलाई चुनावी गतिविधिमा बालबालिकाको प्रयोग नगर्न आग्रह गरेपनि एमालेले घरदैलो अभियानमा बालबालिकाको प्रयोग गरेको छ ।
प्रतिनिधिसभा र प्रदेशसभा निर्वाचन अन्तर्गत एमालेले घरदैलो अभियानमा बालबालिकाको प्रयोग गरेको हो । निर्वाचन आचारसंहितामा निर्वाचन प्रचारप्रसार, आमसभा तथा जुलुसमा बालबालिकाको प्रयोग गर्न वा गराउन नहुने भनिएको छ ।
तर आचार संहिताको धज्जी उडाउदै नेकपा एमालेले बारा क्षेत्र नम्बर ४ मा बालबालिकाको प्रयोग गरिरहेको छ । निर्वाचनमा बालबालिकाको प्रयोग नगर्ने भनी लिखित रुपमा प्रतिबद्धता जनाएको एमालेले प्रतिवद्धता विपरित निर्वाचनमा बालबालिकाको प्रयोग गरिएको पाईएको हो ।
घरदैलोका क्रममा नेकपा एमालेका उम्मेदवारहरुले बालबालिकालाई झण्डा हाल्ने काममा पनि प्रयोग गरेको पाईएको छ । जीतपुरसिमरा उपमहानगरपालिका वडा नम्बर १९ मा आज बालबालिकाहरु नेकपा एमालेको झण्डा हाल्दै गरेका थिए ।
बालबालिका अघि सारेर चुनावी अभियानमा होमिनु दुखद भएको बालबालिकाको क्षेत्रमा काम गरिरहेका अभियन्ताहरुको भनाई छ ।
प्रतिक्रिया दिनुहोस् !