१४ कात्तिक, पर्सा । प्रहरीले वीरगञ्ज महानगरपालिकाबाट ५ जना जुवाडेलाई पक्राउ गरेको छ ।
वीरगञ्ज महानगरपालिका-९ गहवा स्थित रमेश खड्गीको खाजा नास्ता र मदिरा समेत खानपीन गर्ने होटलमा जुवातास खेलिरहेको अवस्थामा जिल्ला प्रहरी कार्यालय पर्सा र वडा प्रहरी कार्यालय विर्ताबाट खटिएको टोलीले ५ जनालाई पक्राउ गरेको जनाएको छ ।
पक्राउ पर्नेमा वीरगञ्ज महानगरपालिका- ८का ४० वर्षीय अशोक कुमार कानु, वीरगञ्ज महानगरपालिका-८ कै ३३ वर्षीय दिपलाल चौरसिया, वीरगञ्ज महानगलपालिका ७ का २५ वर्षीय अर्जुन तुरहा, वीरगञ्ज महानगरपालिका-१६ का ५० वर्षीय सानु शाही र वीरगञ्ज महानगरपालिका-५ का ४८ रमेश खड्गी रहेका छन् ।
उनीहरुको साथबाट प्रहरीले ९३ हजार १५० नगद बरामद गरेको छ ।
<span;>पक्राउ परेका उनीहरुलाई सार्वजनिक हित, स्वास्थ्य, सुरक्षा, सुविधा र नैतिकता बिरूद्धको कसूर (जुवा) अन्तर्गत अनुसन्धान अगाडि बढाइएको जिल्ला प्रहरी कार्यालय पर्साका प्रहरी नायब उपरीक्षक एवं प्रवक्ता दीपक गिरीले जानकारी दिए ।
प्रतिक्रिया दिनुहोस् !