२३ असोज बारा । बाराको सिम्रौनगढमा नक्कली नोटको कारोबार गर्ने एक यूवकलाई प्रहरीले पक्राउ परेको छ । पक्राउ पर्नेमा भारत मोतिहारी जिल्ला पिपराकोठी थाना बस्ने बर्ष २५ को रंजित कुमार मुखिया रहेको प्रहरीले जनाएको छ ।
बिशेष सूचनाको आधारमा विहिवार जिल्ला प्रहरीकार्यालय बाराबाट प्रहरी नायब निरिक्षक श्याम प्रकाश यादवको कमाण्डमा खटिएको प्रहरीको टोलिले सिम्रौनगढ नगरपालिकाको वडा नम्बर ५ कनकपुर गाउँ नजिक रोकीराखेको नम्बर प्रस्ट नबुझिने मोटर साइकल रोकी मुखियालाई चेकजाँच गर्दा उसको साथ बाट ९ वटा गड्डीमा रहेको एक हजारको ८ सय पन्चानबे थान जम्मा रु.आठ लाख पन्चान्बे हजार नेपाली नक्कली नोट र एक थान मोबाईल समेत बरामद गरिएको प्रहरीको दाबी छ ।
बरामद भएको नक्कली नोट मोटरसाइकल र मोबाईल सहित मुखियालाई नियन्त्रणमा लिई आवश्यक अनुसन्धान कार्य भईरहेको जिल्ला प्रहरी कार्यालय बाराका प्रहरी प्रवक्ता प्रहरी नायब उपरिक्षक राजेश थापाले जानकारी दिएका छन ।
प्रतिक्रिया दिनुहोस् !