३१ साउन बीरगञ्ज । पर्सा प्रहरीले चामल बोकेको ट्रकबाट ठुलो परिमाणमा राजश्व छली चोरी पैठारीगरी ल्याएको सुर्ती र गुटखा बरामद गरेको छ ।
बिशेष सुचनाको आधारमा जिल्ला प्रहरी कार्यालय पर्साबाट खटिएको टोलीले बीरगञ्ज महानगरपालिका वडा नम्बर २१ परवानीपुर सडकखण्डमा सोमबार राती करिब १० बजेको बिरगञ्जबाट पथलैया तर्फ जादै गरेको ना ८ ख ३४२६ नम्बरको मालवाहक ट्रकलाई नियन्त्रणमा लिई चेकजाच गर्दा लाखौ मुल्य बराबरको सुर्ती र पान मसला बरामद गरेको हो ।
प्रहरिका अनुसार उक्त ट्रकबाट चामलको बीलमा प्रज्ञापन नभएको सुर्ती १६ बोरा,चैनी पानमसला १४ बोरा तथा चेरी पानमसला १० बोरा बरामद गरेको र यसको बजार मुल्य ३८ लाख ६० हजार १०० मुल्यांकन गरी म्गलबार आवश्यक कार्यवाहीको लागि राजश्व अनुसन्धान कार्यालय पथलैया बारामा बुझाएको जिल्ला प्रहरी कार्यालय पर्साका प्रहरि उपरिक्षक रमेश खड्काले बताए ।
प्रतिक्रिया दिनुहोस् !