२४ साउन कलैया । जिल्ला प्रहरी कार्यालय बाराले बिभिन्न ब्राण्डको १२ थान मोटरसाइकल सहित ६ जना चोरलाई पक्राउ गरी आज सार्वजनिक गरेको छ ।
बाराको बरियारपुरबाट दुई वटा मोटरसाइकल चोरी गरी भाग्दै गरेको अवस्थामा प्रहरीले साउन १९ गते दुईजनालाई रंगे हात पक्राउ गरेको थियो । पक्राउ पर्नेमा बारा पचरौता नगरपालिका वडा नम्बर ७ का बनौलीका २१ बर्षिय बिशाल कुमार सहनी र २० वर्षका भोला पटेल रहेको जिल्ला प्रहरी कार्यालय बाराले जनाएको छ ।
पक्राउ परेका सहनी र पटेलको बयानको आधारमा थप चारजनालाई पक्राउ गरिएको उनीहरूको साथबाट बिभिन्न समयमा चोरी गरिएको बिभिन्न ब्राण्डको १२ थान मोटरसाइकल बरामद गरेको जिप्रका बाराले जनाएको छ ।
केही समय देखी बाराको बिभिन्न ठाउँबाट मोटरसाईकल चोरीको घटनामा बृद्धि भएपछि बारा प्रहरिले निगरानी बढाएको थियो ।
प्रतिक्रिया दिनुहोस् !