२० साउन काठमाडौं । भारतीय स्थल सेना प्रमुख मनोज पाण्डेको नेपाल आउने मिति तय भएको छ । उहाँको आगामी भदौ २० गतेदेखि २२ गतेसम्म नेपाल भ्रमणको मिति तोकिएको छ ।
नेपाली सेना र भारतीय सेनाका प्रधानसेनापतिलाई दुवै देशको तर्फबाट मानार्थ महारथीको उपाधीबाट सम्मान गर्ने चलन छ । पाण्डेलाई पनि सो अवसरमा राष्ट्रपति विद्यादेवी भण्डारीले उक्त उपाधी प्रदान गर्ने कार्यक्रम राखिएको छ ।
भारतीय सेनाअध्यक्षको हैसियतमा उहाँले गत साता गर्नुभएको भुटान भ्रमणबाट पहिलो छिमेक यात्रा शुरु भएको हो ।
प्रतिक्रिया दिनुहोस् !