२८ असार काठमाण्डौ । गण्डकी प्रदेशको मुख्यमन्त्री कृष्णचन्द्र नेपाली पोखरेलको राजीनामा माग गर्दै विरोध प्रदर्शन गरिएको छ ।
अनेरास्ववियु गण्डकी प्रदेश कमिटी र राष्ट्रिय युवा संघ नेपाल गण्डकी प्रदेशले संयुक्त रुपमा मुख्यमन्त्री पोख्ररेलको राजीनामा माग गर्दै प्रदेशसभा अगाडि प्रदर्शन गरेका हुन् ।
प्रदेश सरकारले नेताका आफन्तको नाममा लाखौं बजेट छुट्याएपछि विरोधस्वरुप गण्डकी प्रदेशसभा घेराउ गरिएको प्रदर्शनकारीको दाबी छ ।
आगामी आर्थिक वर्ष २०७९÷०८० को बजेटमा मातापिताको नाममा ट्रष्टदेखि स्मृतिपार्क बनाउन रकम छुट्याइएको भन्दै अहिले सर्वत्र विरोध भइरहेको छ ।
मुख्यमन्त्री पोख्ररेलले आफ्ना स्वर्गीय पिताको नाममा स्मृति कोष बनाउन ५० लाख रुपैयाँ बजेट विनियोजन गरेका छन् ।
उनीहरुले प्रदर्शनमा लुटतन्त्र बन्द गर, जनताको करको रकम फिर्ता गरलगायत नारा लगाएका छन् ।
प्रतिक्रिया दिनुहोस् !