२१ असार बीरगञ्ज । सशस्त्र प्रहरीले श्रोत न खुलेको ठुलो रकम सहित दुईजनालाई पक्राउ गरेको छ ।
आज दिउसो धनुषाको जनकनन्दनी गाउँपालिका १ ईनर्वास्थित सीमा ईलाकाबाट सशस्त्र प्रहरी नेपाल बोर्डर आउट पोष्ट ईनर्वाले स्रोत नखुलेको ८३ लाख ६४ हजार ५ सय रुपैयाँसहित दुईजनालाई पक्राउ गर्न सफल भएको हो ।
पक्राउ पर्नेमा जनकनन्दनी गाउँपालिका ५ बस्ने ३६ वर्षीय इश्वर मण्डल र १९ वर्षीय जनक मण्डल रहेका छन् ।
मंगलबार दिउँसो सशस्त्र प्रहरीको ‘बोर्डर आउट पोष्ट’ (बिओपी) ईनर्वाबाट सशस्त्र प्रहरी निरीक्षक शम्भु कटुवालको कमाण्डमा खटिएको टोलीले भारतबाट आलुको बोरा बोकी नेपालतर्फ आउँदै गरेको ज ७ प ५००७ नम्बरको टरसाइकललाई रोकी जाँच गर्दा स्रोत नखुलेको १ हजार दरको ७०० थान, ५ सयको २६९९ थान, १ सयको १०० थान र ५० को १०० थान गरी जम्मा ८३ लाख ६४ हजार ५ सय रुपैयाँसहित उनीहरुलाई पक्राउ गरेको हो ।
बरामद भएको उक्त नगद तथा मोटरसाइकल भन्सार कार्यालय जनकपुर बुझाउने प्रक्रियामा रहेको इन्स्पेक्टर कटुवालले बताए ।
पछिलो समय मधेश प्रदेशको सीमावर्ती नाकामा जाली नोट,लागुऔषध ,हातहतियार ओसार पसारको घटनामा बृद्धिसँगै सशस्त्र प्रहरी नेपाल छिनमस्ता बाहिणि मधेश प्रदेशका प्रमुख सशस्त्र प्रहरी नायब महानिरिक्षक गणेश ठाडा मगरको सकृयताले निस्तेज पार्नमा ठुलो सफलता मिलेको छ ।
प्रतिक्रिया दिनुहोस् !