२८कार्तिक,जनकपुरधाम । धनुषामा स्वतन्त्र निर्वाचित वडाध्यक्षको गोली हानेर हत्या
मिथिला बिहारी नगरपालिकाका वडाध्यक्ष बिन्देश्वर यादवको अज्ञात समूहद्वारा गोली प्रहार गरी ह*त्या
धनुषा, नेपाल। धनुषाको मिथिला बिहारी नगरपालिका वडा नम्बर ९ का स्वतन्त्र निर्वाचित वडाध्यक्ष बिन्देश्वर यादवको आज साँझ अज्ञात समूहले गोली प्रहार गरी ह*त्या गरेको छ।
प्रारम्भिक जानकारी अनुसार, वडाध्यक्ष यादवलाई लक्षित गरी अज्ञात समूहले गोली दागेको थियो। गोली लागेर गम्भीर घाइते भएका यादवलाई तत्कालै उपचारका लागि अस्पताल लैजाने क्रममा उनको बाटोमै निधन भएको स्थानीयवासीले बताएका छन्।
वडाध्यक्ष यादवको हत्यापछि स्थानीय क्षेत्रमा आतंक र तनावको स्थिति सिर्जना भएको छ। घटनाको प्रकृति र हत्यामा संलग्न समूहको पहिचानका बारेमा विस्तृत जानकारी आउन बाँकी छ।
घटनास्थलमा अहिले ठूलो संख्यामा प्रहरी परिचालन गरिएको छ र हत्याराहरूको खोजी कार्य तीव्र पारिएको जिल्ला प्रहरी कार्यालय धनुषाले जनाएको छ। प्रहरीले घटनाबारे अनुसन्धान सुरु गरिसकेको र हत्याको कारण पत्ता लगाउने प्रयास भइरहेको बताएको छ।
प्रतिक्रिया दिनुहोस् !