१९ कार्तिक,काठमाण्डाैं । नेपाली कम्युनिस्ट पार्टी (नेकपा) को संयोजकमा पुष्पकमल दाहाल ‘प्रचण्ड’ र सहसंयोजकमा माधवकुमार नेपाल चयन भएका छन्। दशवटा साना वाम घटक तथा दलहरू मिलेर बनेको यो नवगठित पार्टीको एकता भेलाबाट उनीहरू चयन भएका हुन्।
काठमाडौंको भृकुटीमण्डपमा आयोजित एकता सभामा आज (१९ कात्तिक) नवगठित पार्टीको घोषणा गरिएको हो। एकता भेलाले सर्वसम्मतिले प्रचण्डलाई संयोजक र नेपाललाई सहसंयोजकमा चयन गरेको हो।
नवगठित ‘नेपाली कम्युनिस्ट पार्टी’ ले एकता सभामा आफ्नो २३ बुँदे घोषणापत्र पनि सार्वजनिक गरेको छ। यो पार्टीमा नेकपा (माओवादी केन्द्र) र नेकपा (एकीकृत समाजवादी) सहित अन्य साना वामपन्थी दल तथा समूहहरू समाहित भएका छन्।
एकीकृत पार्टी घोषणा सभा अहिले पनि जारी रहेको र थप सांगठनिक संरचनाबारे निर्णय हुने अपेक्षा गरिएको छ। यो एकतालाई नेपालको वामपन्थी आन्दोलनमा एक महत्त्वपूर्ण घटनाका रूपमा हेरिएको छ।
प्रतिक्रिया दिनुहोस् !