१४ कार्तिक,चितवन । चितवनको भरतपुर महानगरपालिका–९, टिकौली जंगलमा गएराति एउटा ट्रक र दुईवटा यात्रुबाहक बस आपसमा ठोक्किँदा ३३ जना यात्रु घाइते भएका छन्। घाइतेमध्ये ८ जनाको अवस्था मध्यम रहेको प्रहरीले जनाएको छ।
गएराति करिब पौने २ बजेतिर यो दुर्घटना भएको थियो। सुरुमा, इँट्टा लोड गरेर पार्किङ गरिराखेको ना ६ ख ८१३ नम्बरको ट्रकमा गौरबाट काठमाडौंतर्फ जाँदै गरेको बा. प्र. ०३०० ख ०१२३ नम्बरको डल्फिन बस ठोक्किएको थियो। लगत्तै, सोही बसमा जनकपुरबाट काठमाडौं तर्फ जाँदै गरेको बा. प्र.०३०० ख ३९०२ नम्बरको रुद्राक्ष बस समेत ठोक्किन पुगेको थियो, जसकारण रुद्राक्ष बस सडकमा पल्टिएको थियो।
दुर्घटनालगत्तै सशस्त्र प्रहरी बल, नेपाल नं. १७ गण आँपटारी चितवनबाट खटिएको टोलीले घाइतेहरुलाई तुरुन्त उद्धार गरी उपचारका लागि विभिन्न अस्पताल पठाएको थियो। घाइतेहरुमध्ये चितवन मेडिकल कलेजमा १५ जना, नेशनल सिटी अस्पतालमा १३ जना, र भरतपुर सरकारी अस्पतालमा ५ जनाको उपचार भइरहेको छ।
यसैगरी, दुर्घटना गराउने मध्येको बा.प्र.०३–००१ख ३९०२ नम्बरको रुद्राक्ष बसका चालक धनुषा जिल्ला शहीद नगरपालिका–४ बस्ने ४३ वर्षीय कृष्ण मण्डललाई जिल्ला प्रहरी कार्यालय चितवनले नियन्त्रणमा लिएको छ।
क्रेनको सहायताले दुर्घटनाग्रस्त बसलाई सडक क्षेत्रबाट हटाएपछि आज बिहान करिब ३ बजेतिर सडक एकतर्फी खुलाइएको थियो।
🏥 अस्पतालहरूमा उपचाररत घाइतेहरुको विवरण
घाइते यात्रुहरूको विस्तृत विवरण निम्नअनुसार छ:
क) चितवन मेडिकल कलेजमा उपचाररत १५ जना
- उदयपुर: सार्थक बाबु श्रेष्ठ (२०)
- धनुषा, जनकपुर: सदाकत मिया (३९), नरेन्द्र शाह (५२), समिर अन्सारी (१७), बसन्त झा (४६), मुकेशलाल कर्ण (४९), अन्जु कर्ण (३४), आरुष कर्ण (ठेगाना उल्लेख छैन), विद्या चौधरी (१९) (लक्ष्मीनियाँ गाउँपालिका)
- रौतहट: अनिकेत कुमार साह (२०), आरभ मिश्र (११), कुष्ण कमार साह (ठेगाना उल्लेख छैन), मुकेश कुमार केसरी (४१)
- महोत्तरी: गितादेवी यादव (ठेगाना उल्लेख छैन), राम श्रेष्ठ (३७)
ख) नेशनल सिटी अस्पताल भरतपुरमा उपचाररत १३ जना
- धनुषा: आलोक कुमार राउत (२८), आदित्य कुमार सिंह (२०), रेखा सिंह (४३), अञ्जली सिंह (२१)
- रौतहट: मोनु कुमार महतो (२१), गम्भिरादेवी ठाकुर (६६), विजय साह (५०), उर्मिला कुमारी साह (४०), सुनितादेवी मिश्रा (६२)
- भारत (मोतिहारी): सुनिल प्रसाद (३२), सुभद्रा कुमारी चौधरी (२५), पृया जैशवाल (७), कृती जैशवाल (४)
ग) भरतपुर सरकारी अस्पतालमा उपचाररत ५ जना
- धनुषा, लक्ष्मीनियाँ: दिव्या चौधरी (१९)
- रौतहट: राजकिशोर दास (३०), रोशी कुमार साह (१९), राजु दास (२५)
- भारत (मोतिहारी): महमद साहेब (२२)
प्रतिक्रिया दिनुहोस् !