११ कार्तिक,काठमाण्डाैं । जेनजी आन्दोलन’का नाममा देशभरका २३ वटा अदालतमा आगजनी तथा तोडफोड गर्ने व्यक्तिहरूविरुद्ध कानुनी कारबाही अघि बढाउन सर्वोच्च अदालतले प्रहरीमा जाहेरी दिने निर्णय गरेको छ।
भदौ २४ गते भएको आन्दोलनका क्रममा सर्वोच्च अदालतसहित देशभरका अदालतहरूमा व्यापक आगजनी र तोडफोड भएको थियो।
सर्वोच्च अदालतको फुलकोर्ट (सबै न्यायाधीशहरूको बैठक) ले क्षति पुर्याउने संलग्न व्यक्तिहरूको पहिचान गरी प्रचलित कानुनबमोजिम कारबाही अघि बढाउन निर्देशन दिएको हो।
सर्वोच्च अदालतका प्रवक्ता अर्जुनप्रसाद कोइरालाका अनुसार क्षति पुगेका सबै अदालतहरूले आफ्नो जिल्लाको प्रहरी कार्यालयमा क्षतिको विस्तृत विवरणसहित जाहेरी दिने तयारी गरिरहेका छन्।
उक्त आगजनीबाट सर्वोच्च र अन्य अदालतका भवन, सवारीसाधनहरूमा ठूलो क्षति पुगेको छ भने लाखौँ मुद्दाका महत्त्वपूर्ण फाइलहरू जलेर नष्ट भएका छन्।
प्रतिक्रिया दिनुहोस् !