११ कार्तिक,काठमाडाैं । चक्रवात ‘मोन्था’ आज बंगालकाे खाडीमा अधिक शक्तिशाली भएर गम्भीर चक्रवाती आँधीमा परिणत हुने र यसले भारतको आन्ध्र प्रदेश तथा तमिलनाडुका केही भागमा भारी वर्षा गराउने भारतीय मौसम विभागले जनाएको छ ।
यो आँधी बेलुका वा रातको समयमा आन्ध्र प्रदेशको काकिनाडा नजिक मछलीपट्टनम र कलिंगपट्टनमको बीचको तट पार गर्ने अनुमान छ ।
जसको समयमा हावाको गति ९०–१०० किलोमिटर प्रति घण्टासम्म पुग्न सक्नेछ, जसका कारण आन्ध्र प्रदेश, ओडिशा लगायतका भूभागमा चेतावनी जारी गरिएको छ।
चक्रवात ‘मोन्था’को प्रभाव भारतमा सक्रिय भएको केही दिनमै पूर्वी नेपालमा पनि देखिने र बिहीबारदेखि कोशी प्रदेश, मधेश हुँदै मध्य नेपालसम्म यसको आंशिक प्रभाव पर्ने मौसमविद्हरूको पूर्वानुमान छ।
प्रतिक्रिया दिनुहोस् !